Hugot nga gihugtan karon ang seguridad sa Cebu Police Provincial Office, subay sa umaabot nga national and local midterm elections, sa mga pahimangno sa publiko sa mga dili angay nga buhaton sa usa ka indibidwal atol sa adlaw sa piniliay, Mayo 12, 2025.
Busa, walay si bisan kinsa nga tawo nga magbitbit, o magdala og armas, o uban pang bisan unsang makamatay nga hinagiban sa publikong mga dapit, apil ang bisan unsang building, kalye, parke, pribado, sakyanan o pampublikong sakyanan, bisan pa og lisensyado sa pagpanag-iya o pagdala niini.
Mamahimo lang nga ang usa ka indibidwal magkadala og kung awtorisado kini sa sinulat sa komisyon, kay matod pa, ang pag-isyu sa mga lisensya sa armas ihunong sa panahon sa eleksyon.
Kini nga lagda, subay sa Section 32 of Republic Act 7166.
Samtang, hingpit usab nga gidili ang Vote Buying ug Vote Selling, diin gipanghingusgan sa pagpa-hinumdom ang tanan, nga dili mag-apil-apil sa bisan unsang ilegal nga kalihokan aron mapabilin ang kaligdong sa umaabot nga piniliay.
Diin, kung si bisan kinsa nga mapamatud-an nga adunay kalihokan sa pagpalit o pagbaligya sa mga boto mahimong silotan ug pagkabilanggo labing menos usa ka tuig.(Bombo Irene Ardiente)
