-- ADVERTISEMENT --
CEBU – Wala gipanag-iya sa Kagamhanan sa Probinsiya ang LOT 937 sa Barangay Apas, dakbayan sa Sugbo.
Nipagawas niini nga katin-awan si Gobernador Gwendolyn Garcia, human ang mga istruktura sa Lot 937 giguba pagkahuman sa 10 ka tuig nga ligal nga away.
Matod ni Garcia nga gipanag-iya sa Kapitolyo ang 80 ka ektarya nga propyedad nga giokupar sa Camp Lapu-Lapu ug ang headquarters sa Visayas Command sa Armed Forces of the Philippines.
Sa laing bahin, ang gobernador niingon nga iyang pasidunggan ang kasabutan nga gisudlan sa miaging administrasyon ug sa Cebu City Government nga naggahin og labing menos 8,000 square meters nga propyedad sa Probinsiya sa maong lugar alang sa mga apektadong residente sa Lot 937.
