CEBU CITY-Mipasaka na og pormal nga reklamo ang kagamhanan sa dakbayan sa Sugbo ngadto sa Office of the City Prosecutor batok sa duha ka mga tawo nga giingong nag-operate sa Facebook page sa ‘Cebu Updates’.
Mag-atubang sa kasong kalapasan sa section of illegal access ubos sa Section 4, paragraph 1, ug computer-related identity theft ubos sa Section 4, paragraph 3 sa Republic Act 10175 o ang Cybercrime Prevention Act of 2012 batok kang Erwin dela Cerna ug Christian Tura.
Ang pag-file sa kaso gipangulohan ni Estela Grace Rosit, ang Cebu City Public Information Office diin giubanan sa mga abogado sa Cebu City Legal Office, ang buhatan nga nagdumala sa pagkiha sa mga kaso alang sa City Government.
Ang paglapas sa illegal access ug computer-related identity theft ubos sa Cybercrime Prevention Act of 2012 adunay silot nga multa nga dili mominus P200,000 o labing taas nga kantidad nga katumbas sa kaso ug pagkabilanggo.
Sa pagkakaron, susihon pa sa Office of the City Prosecutor kung aduna ba’y probable cause ang pormal nga reklamo, apan ang City Legal Office nagkanayon nga nanghinaot sila nga dili ma-dismiss ang kaso.
