Nakadayeg si Cebu Vice Governor Glenn Anthony Soco sa bag-o lang natuldokan nga 5th State of the Nation Address ni Presidente Ferdinand Marcos Jr., kini gumikan kay matod niya, informative ug masabtan ang nahimong mga pamahayag sa president.
Dugang pa ni Soco atol sa eksklusibong pakighinabi sa Bombo Radyo Cebu kaniya, aduna say daghang detalye ang nahisgutan sa Presidente sa iyahang SONA.
Tungod niini, alang kang Soco, sa kinatibuk-ang SONA sa Presidente, ang highlight alang kaniya mao ang paghisgut niini kabahin sa korapsyon sa nasud. Diin gikanayon sa Presidente, nga aduna gayuy intensyon ang kasamtangang administrasyon nga pugngan ang korapsyon, bisan paman nga aduna kini personal nga koneskyon sa iyaha.
Diin, nipabilib si Soco gumikan kay makaya sa presidente nga pasakaan kining mga personahe nga nalambigit sa korapsyon bisan paman og kadugo o kaliwat niya kini.
Kahindomdoman nga si Presidente Marcos, nagpahibalo nga ang kanhi Speaker Martin Romualdez sa dili madugay pasakaan na og kaso nga may kalabotan sa giingong korapsyon sa mga proyekto sa pagkontrol sa baha.
Sumala ni Marcos, gibasi sa Ombudsman ang pagpasaka og mga kaso anaa na sa katapusang mga yugto human sa usa ka halapad ug walay gidapigan nga imbestigasyon.
Gipasiugda sa Presidente nga kini nga desisyon sakit alang kaniya, apan iyang giinsistir nga kinahanglan kini buhaton.
