Nakapasar sa gipagawas nga resulta sa Cebu Normal University – School of Law si Cebu Provincial Vice-Governor Glenn Anthony Soco.
Kini kay kabahin sa tinguha sa personal nga kinabuhi ni Soco nga mas mapalawman pa ang kahanas sa balaod diin lakip siya sa 100 ka mga nakapasar sa entrance examination sa CNU Law sa ilang inaugural batch sa degree program nga Juris Doctor.
Gisaysay ni Soco pinaagi sa usa ka post sa official social media account niini nga dakong garbo ug kalipay kini para kaniya nga mahimong sakop sa pioneering btach sa programa sa maong unibersidad.
Dugang niya nga damgo sab niya kini nga mahimong abogado nga nahisubay sa katungdanan nga iyang gihuptan karon sa tinguhang mas mumaayo bisan pa sa iyang pangidaron.
Ingon man nga si SOco kau gradwado sa kursong Bachelor of Science in Industrial Engineering sa University of San Carlos sa wala pa kini misulod sa natad sa serbisyo publiko.
Sa bag-ohay lang sab, si Soco napili isip usa sa mga napiling 2025 Regional Directors sa League of Vice Governors of the Philippines atol sa 101st National Assembly of the League of Vice Governors sa The Manila Hotel sa nakalabayng adlaw.
