-- ADVERTISEMENT --
CEBU-Nakoronahan isip Reyna ng Aliwan 2024 si Mia Loureen Tamayo diin iyang gi-representar ang Probinsya sa Sugbo sa maong beauty pageant.
Nahitabo ang Aliwan Fiesta Grand Festival of Champions sa Star City Complex sa dakbayan sa Pasay sa Metro Manila niadtong Sabado, Hunyo 29.
Gidala ni Tamayo ang Pasigarbo sa Sugbo sa Probinsya sa Sugbo sa maong kalihokan.
Nakadawat usab siya ug laing special awards isip Miss Friendship ug Best in Swimsuit.
Samtang sa laing bahin sa samang kalingawan, nakuha sa mga partisipante sa dakbayan sa Sugbo ang ika-5 nga pwesto sa Street Dance Competition diin ilang gisayaw ang Sinulog Festival ug Runner-up usab si Mariel Bogert kinsa kandidata sa Sinulog Festival sa dakbayan sa Sugbo sa Reyna ng Aliwan.
-- ADVERTISEMENT --
