PROVINCE OF CEBU-Pipila ka mga Sugboanong kongresista ang mideklarar og suporta sa lakang ni Cebu Governor Gwendolyn Garcia sa pagpahunong sa BRT construction.
Matud pa ni Rep. Peter John Calderon, ang 7th District sa Cebu Province diin isip Representante sa distrito, nakighiusa kini kang Garcia nga hingpit nga hunongon ang nagpadayon nga pagtukod sa BRT stations atubangan sa Cebu Capitol Building.
Gumikan ang makasaysayanong Kapitolyo giisip usab nga heritage site, ug labing nailhan nga iconic building sa tibuok isla sa Sugbo diin gihimug-atan nga kinahanglan nga panalipdan ug mapreserbar ang kaayohan niini sa kasamtangan ug sa umaabot nga mga henerasyon sa mga Sugboanon.
Gani, asoy niini kabahin sa kasong administratiba nga gipasaka batok kang sa Gobernadora, wala’y pulos ug kinahanglan nga i-dismiss sa dali nga panahon.
Madasigon usab kini nga ang mga tawo ug residente sa Dumanjug, Ronda, Alcantara, Moalboal, Badian, Alegria, Malabuyoc ug Ginatilan nagkahiusa kang Gobernador Gwen Garcia.
