Nahimo nga emosyonal ang beteranong nga mag-aawit nga si Celine Dion sa iyang pagbalik sa entablado human sa pipila ka tuig nga pakigbatok sa usa ka talagsaong sakit sa nerbiyos.
Nahurot ang tiket ang maong pasundayag sa 58-anyos nga French-Canadian superstar.
Nagsadya ang kapin sa 30,000 ka mga taghanga sa dihang giablihan niya ang konsyerto pinaagi sa pag-awit sa French ballad nga “On ne change pas” o “One Doesn’t Change”.
Mitan-aw usab sa maong konsyerto sa Plenitude Arena ang kanhi First Lady sa US nga si Michelle Obama.
Gibutyag ni Dion nga natandog siya pag-ayo ug nakahilak sa dihang nakita ang dakong suporta sa iyang mga fans.
Kahinumdoman nga wala makapasundayag ang mag-aawit sulod sa kapin sa usa ka tuig human siya nadayagnos nga adunay Stiff Person Syndrome—usa ka sakit nga walay tambal nga hinungdan sa pagpang-kramps sa kaunuran ug kalisod sa paglihok sa pipila ka bahin sa lawas.
Una nang gipahibalo sa mag-aawit niadtong Marso ang iyang pagbalik sa pagpasundayag human sa pipila ka tuig nga pagpatambal.
