Centenarian population sa Japan, milapas na sa 100k

Gisaysay sa report sa Japan’s health ministry niadtong Martes nga nikabat sa 107,677 ka mga tawo ang nag-edad og 100 anyos o pataas sa maong nasod hangtod niadtong Setyembre 1, diin kini ang unang higayon nga milapas sa 100,000 sukad nagsugod ang statistics niadtong 1963.

Kini nagtala og rekord nga taas sa ika-56 ka sunod-sunod nga tuig, diin ang mga babaye nikabat sa 94,298 o halos 90 porsyento sa kinatibuk-an.

Si Health Minister Kenichiro Ueno nagpahayag sa iyang kalipay tungod sa kadugayon nga aktibo sa mga molupyo, samtang ang labing tigulang nga babaye mao ang 114-anyos nga si Fuyo Kishimoto sa Kyoto ug ang labing tigulang nga lalaki mao ang 112-anyos nga si Hikaru Kato sa Kumamoto.