Giasoy ni Sheila Susco, usa sa mga supportive trainer sa mga delagado sa Rehiyon VII alang sa Palarong Pambansa 2026, kinsa personal gayud nga misungasong sa Agusan del Sur para lang mapabati ang init nga supporta alang sa iyahang anak, kinsa player sa Volleyball.
Matod niya, bisan paman sa kalayo ug sa kadako og gasto, niabot gihapon siya sa Agusan del Sur para ipadangat ang iyahang grabi nga suporta.
Atol sa eksklusibong pakighinabi sa Bombo Radyo Cebu kaniya, si Susco mibutyag nga sa karon, maayo ang resulta sa mga duwa sa mga bata sa Central Visayas, Elementary Volleyball Girls category gumikan kay 2-0 ang standing niini.
Matod in Susco, gikinahanglan nalang sa Elementary Volleyball Girls category og usa ka daog aron mo top sa ilahang bracket.
Samtang, gipasigarbo usab ni Susco nga dako kaayo og kalamboan kon improvement sa mga bata, ug matod niya, tungod usab kini sa tumang pagpangandam ug preparasyon.
Dugang pa niya, kining mga representante sa Central Visayas, Elementary Volleyball Girls category puro mga first timers sa Palarong Pambansa, kay nagsugod kini sila niadtong Marso 2025, ug imabagan sa giya sa Ginoo ug determinasyon sa mga bata, nagmalampuson ang ilahang tumong.
Busa alang kang Susco, sa madaog man o mapildi, dako kaayo kini achievement sa mga bata.
Giklaro usab ni Susco nga ang kasamtangang reperesentante karon sa Central Visayas, Elementary Volleyball Girls category gagikan sa Catmon Integrated School, apan adunay 3 ka mga pick-up gikan sa Ateneo de Cebu, ug usa sa Subangdako Elementary School.
Ingun man, gitino niya usab nga sugod palang sa ilahang training ug pagsalig sa mga bata ug mismo sila nga mga trainer, ilabi na nga kung huna-hunaon, dili kini mga eksperyensyado.
Apan, ang ilahang lakang nga gibuhat mao ang kada-adlaw nga training, ug hugot nga disiplina sa mga bata, diin usa na niini ang mandatary complete attendance sa matag training.
