Central Visayas nakatala sa pagkunhod sa inflation sa buwan sa Enero 2023

Nakatala ang Philippine Statistics Authority ug pagkunhod sa inflation sa Central Visayas sa buwan sa Enero 2023.

Gipahibalo ni PSA-7 Director Ariel Florendo nga mikunhod sa 7.2 porsyento ang inflation sa rehiyon 7 sa nakalabay nga buwan.

Bisan pa man nga mikunhod ang inflation, matud pa, mas taas sa gihapon kini ug 2.2 porsyento itandi sa numero nga natala niadtong Enero 2022 kung diin ang inflation mikabat sa 5 porsyento.

Nakatala ang Central Visayas ug ‘highest inflation’ sukad niadtong tuig 2018.

Gidugang sa PSA-7 nga ang food inflation sa regional level ang mikunhod ug 7.5 porsyento sa Enero 2023, gikan sa 11.5 porsyento sa katapusan sa Disyembre 2022.