CEBU CITY-Gipahibalo ni Commission on Human Rights (CHR 7) Regional Director Atty. Arvin Udron nga ikatulo ang Central Visayas nga adunay pinakadaghan nga insidente sa pagpatay.
Matud ni Atty Udron nga ilaha karun nga gi-monitor ang tanang mga insidente sa patay sa rehiyon 7 kung diin giingong wala na’y gipili ang pamatyun.
Sigon pa nga susamang ‘random’ na ang pagpatay karun diin lakip mga otoridad ang gi-torture ug gipamatay.
Giingung gikonsidirar karun sa CHR ang tanang anggulo ug gisiguru nila sa publiko nga dili bias ang komisyon.
Kini subay na sa sunud-sunud nga patay sa Negros Oriental kung diin mikabat na ug 17 ang patay.
Gibutyag ni Atty Udron nga magpadayun ang adbokasiya sa CHR nga mao ang pagprotihir sa tawhanong katungud sa tanang mga Filipino, dili lang sa mga sibyaanan, lakip na usab ang mga unipormado nga biktima usab sa mga pagpatay.(SBR)
