-- ADVERTISEMENT --
CEBU – Gibutyag ni Grace Luardo ang pangu sa Cebu Environmental Sanitation and Enforcement Team (CESET), nga naninguha sila nga malimpyuhan ang Kinalumsan river, hinungdan nga ilahang gipang ticketan ang mga nakit-an nga naglabay sa ilang mga basura sa maong Lugar.
Nasugdan lang ni’ng semanaha ang profiling sa mga namuyo sulod sa 3-meter easement sa Kinalumsan ug sa mga anaa paatubang sa dagat, ingon man sa pagtangtang sa mga balay nga nagbabag sa bukana sa sapa aron makasulod una ang mga ekipong pangkalot.
Dugang pa ni Luardo, nga anaa sa 400 ka mga pamilya ang naa sa naasoyng Lugar, ug wala kini mga Comfort rooms, butang nga nakapasamot og kahugaw sa kasapaan.
