Chavit Singson, gihimakak ang relasyon kang Jillian Ward

Gihimakak sa bilyonaryong negosyante nga si Chavit Singson nga wala siyay relasyon sa aktres nga si Jillian Ward.

Ang giingong relasyon tali sa duha unang gihisgutan niadtong Oktubre (2025) sa dihang nahimong init nga hungihong ang giingong ‘sugar daddy’ si Chavit ni Jillian.

Gihimakak usab kini sa aktres ug gisundan sa kanhi gobernador sa Ilocos Sur.

Sa usa ka interbyu, gipangutana pag-usab si Singson kung nagkita na ba ang duha. Mitubag ang kanhi gobernador, ‘sa awa ng Diyos’ wala pa sila magkita.

Gipasiugda usab sa negosyante ang iyang tinguha nga silang duha magkita ni Ward aron dungan nga isalikway ang maong pasangil.

Miingon siya nga dili igo nga ilang ihimakak, busa kinahanglan silang duha nga magdungan sa pag-deny niini.