Naglusad sa ilang imbestigasyon ang nasudnong ahensya sa Commission on Higher Education (CHED) kabahin sa palpak nga 100% online classes policy sa Cebu Normal University (CNU) nga walay pagtugot sa Board of Regents or sayo nga konsultasyon sa mga estudyante, ginikanan, ug magtutudlo.
Gani ang CHED Central Office kay mimando sa ilang Regional branch diri sa Central Visayas aron sa pagmonitor, pag-imbestigar, pag-evaluate, ug pagsumiter sa report sa dili pa matapos ang Agosto 9 aron kumpletong sutaon ang panghitabo.
Gipunto sa CHED si University President Dr. Daniel Ariaso Sr. isip maoy nagpatuman sa Memorandum Circular No. 43 series of 2025 nga maoy nagtugot sa kalit-kait nga online classes sa unibersidad.
Kahinumduman nga atol sa first day of class sa tunghaan niadtong Hulyo 21, didto ra gipahibalo sa pamunaung sa CNU nga inig Hulyo 22 ipatuman dayon ang 100% online classes policy.
Apan tungod sa mga tiunay nga yango-ngo sa kadagahanan sa ekswelahan kay nakadesider kining mag-hybrid classes nalang sa 75% onsite ug 25% online class learning set-up.
