Gimandoan ni Cebu Governor Pamela Baricuatro ang mga ahensya sa pagpatuman sa balaod ug social agencies nga gukdon ang bisan kinsa nga mopahimulos sa mga bata.
Atol sa Cebu Against Child Sex Tourism (CAST)-13 Annual Conference, gihimug-atan niini nga protektahan ang mga bata sa
mga tigpatuman sa balaod, mga social worker, ug mga kauban sa pribadong sector.
Tataw ug klaro nga walay luna sa Sugbo ang pag-exploit sa mga bata, dili sa komunidad, dili sa sector sa turismo, hilabi na panahon sa katalamidad.//
Gipresentar ni Baricuatro ang duha ka bahin nga estratehiya sa iyang administrasyon nga naghiusa sa estrikto nga pagpatuman ug mga lakang sa pagpugong.
Hinungdan, gimandoan niya ang Philippine National Police (PNP) ug ang tanang hingtungdang ahensya nga dayon mailhan, imbestigahan, ug bungkagon ang mga ilegal nga operasyon nga nag-target sa mga bata.
Nipasalig usab ang Probinsya sa Sugbo nga ubos sa pagdumala ni Baricuatro nga mahatagan og proteksyon ang matag batang Sugboanon, ingon man nga gipasiguro sa tanang local government officials nga ang matag barangay adunay Child Protection Program.
Samtang, nakigkita si Department of Justice (DOJ) Assistant Secretary Michelle Anne Lapuz kang Gov. Baricuatro aron hisgutan ang posibleng panag-uban sa pagbatok sa Online Sexual Abuse or Exploitation of Children (OSAEC) ug Child Sexual Abuse or Exploitation Materials (CSAEM).
Gipahibalo ni Lapuz ang tumong sa DOJ nga makigtambayayong sa gobyerno sa probinsya sa pagpatuman sa mga lakang ubos sa Philippine Strategic Plan Against OSAEC ug CSAEM alang sa 2025–2028, nga giaprobahan sa Inter-Agency Council Against Trafficking (IACAT) niadtong Septyembre 2025.
Ingon man nga hingpit kini nga gisuportahan sa gobernadora.
