Gikompirmar sa Department of Social Welfare and Development (DSWD) nga mahunong na ang operasyon sa Children’s Joy Foundation Inc., usa sa mga organisasyon nga gitukod ni Kingdom of Jesus Christ leader Apollo Quiboloy.
Kini tungod kay wala na ma-renew ang accreditation niini sa Department of Social Welfare and Development.
Atol sa forum sa DSWD, si Assistant Secretary for Standards and Capacity Building Group Head Janet Armas niingon nga wala na gi-renew ang Children’s Joy Foundation nga magpadayon isip Social Welfare and Development Agencies kon SWDA.
Sa suwat nga gipadala niini, gitumbok sa CJFI ang kakuwang niini sa pinansyal nga abilidad sa pagpadayon sa ilang operasyon pag-atiman sa mga batan-on.
Kahinumduman nga unang nipahamtang og freeze order ang Court of Appeals sa mga bank account, real estate properties ug ubang propyedad nga narehistro sa ngalan ni Quiboloy ug KOJC base usab sa petisyon sa Anti-Money Laundering Council kon AMLC.
Sa pagkakaron, 32 ka menor de edad ang natabangan sa DSWD, apil na niini ang 13 ang nabalhin sa ubang partner foundation ug 14 ang nauli sa ilang pamilya.
Kalabot niini, giklaro sa DSWD nga walay labot niini ang mga kaso nga giatubang ni Pastor Quiboloy.
