Gipanghimakak sa Ministry of Foreign Affairs sa China nga ang gobyerno niini nalambigit sa usa ka AI-generated nga video nga gipagawas sa usa ka state-run media outlet nga naghulagway sa mga Pilipino nga mga unggoy samtang gisaway ang 2016 Arbitral Award sa West Philippine Sea (WPS).
Ang tigpamaba sa Chinese Foreign Ministry nga si Lin Jian miingon nga wala siyay komento sa video ug giklaro nga ang China wala nalambigit.
Bisan pa, gisubli niya ang dugay na nga baruganan sa Beijing nga wala niini giila ang 2016 South China Sea arbitral ruling, nga iyang giingon nga ilegal ug walay pulos.
Samtang, ang Pilipinas mibarog sa balido sa desisyon, nga nag-ingon nga ang halapad nga pag-angkon sa China sa gikuwestiyon nga katubigan walay legal nga basehan.
Gumikan niini ang Department of Foreign Affairs (DFA), nanawagan ngadto sa state-run media outlet sa China nga tangtangon ang maong AI-generated nga video gikan sa mga social media platform.
Hingpit nga gihulagway sa DFA ang maong video nga racist, dako nga insulto, ug usa ka pagtamay sa dignidad sa katawhang Pilipino.
