NATIONAL NEWS-Gi-akusaran sa Chinese Embassy nga nakabasi sa Manila ang administrasyong Marcos sa pagduso sa mga mananagat sa frontline sa maritime dispute sa West Philippine Sea sa ngalan sa humanitarian assistance alang sa “political agenda” niini.
Gitataw sa embahada nga ang kasamtangang administrasyon ang giingong hinungdan sa mitumaw nga tensiyon, dili sama sa nangaging mga administrasyon nga maayo ang pagdumala sa maritime conflict.
Dugang pa nga ang kasamtangang gobyerno sa Pilipinas nakalapas sa mga limitasyon niini sa Panatag shoal, ingon man nga gilimod ang kaugalingon nga mga pulong sa pagdumala sa Ayungin shoal ug gibiyaan ang kasabutan sa Gentleman, Internal Understanding ug New Model nga gikasabutan sa duha ka habig.
Gitumbok sa China ang nagkalain-laing mga kasabotan nga giingong gisudlan sa Pilipinas sa isyu sa West PH Sea apan wala maghatag og bisan unsang pruweba.
