Opisyal ng gilusad sa China ang Long March 7A space rocket gabii, Hunyo 29, 2024.
Matod sa Philippine Space Agency (PhilSA), nga gipalupad sa China ang space rocket gikan sa Wenchang Spacecraft Launch Site sa Wenchang, China alas 7:57 sa gabii (PH Time).
Nasayran nga ang mga rocket debris nga wala nasunog sama sa booster ug faring sa usa ka space rocket, gidisenyo nga tangtangon sa higayon nga ang rocket anaa na sa kawanangan.
Samtang wala kini gilauman nga mahulog sa kayutaan apan posible gihapon nga makadaot kini sa mga barko, eroplano, ug uban pang mga sakayan sa dagat ug hangin sa drop zone.
Hinungdan nga gitambagan sa PhilSA ang tanan nga i-report sa mga awtoridad ang mga makit-an nga mga space rocket debris ug dili moduol ug mohikap tungod sa posibleng makahilo nga mga butang sama sa rocket fuel.
