Gisaway sa Department of National Defense (DND) ang tubag sa Embahada sa China sa naunang pahayag ni Defense Secretary Gilberto Teodoro bahin sa mga komento sa Chinese Ministry of Foreign Affairs.
Sa usa ka pahayag nga gipagawas sa Defense Department, giingon niini nga imbes nga maghatag og klaro nga mga tubag, ang Embahada sa China nagpagawas lang og mga pangutana ug retorika.
Gitawag nila kini nga usa ka paagi aron malikayan ang isyu ug giingon nga dili niini matago ang giingong sayop nga impormasyon.
Gipasiugda sa kalihim nga ang mga Pilipino dili malimbongan sa mga bakak nga asoy sa China.
Gitawag usab ni Sec. Teodoro ang pinakabag-o nga pahayag sa China batok kaniya nga usa ka klasiko nga “taktika sa pusit” o “squid tactic” – sayop nga impormasyon pinaagi sa paglikay.
