-- ADVERTISEMENT --
Hugot nga gisalikway sa Department of National Defense (DND) ang panawagan sa China nga hunungon na sa Pilipinas ang mga aksyon niini bahin sa Bajo de Masinloc.
Sumala ni Defense Secretary Gilberto Teodoro, ang Bajo de Masinloc kabahin sa teritoryo sa Pilipinas, ug ang mga aksyon sa nasud nahiuyon sa internasyonal nga balaod, labi na ang UNCLOS ug ang 2016 Arbitral Award.
Giingon usab sa DND nga ang pagsumite sa gi-update nga nautical chart sa Pilipinas ngadto sa United Nations nagtumong sa pagpakita sa gilapdon sa mga maritime zone sa nasud.
Gipasiugda sa DND nga ang Pilipinas magpadayon sa pakigbisog alang sa mga katungod ug soberanya niini sa Bajo de Masinloc ug dili mosugot sa mga pahayag ug aksyon sa China.
