Nanawagan ang Department of Foreign Affairs (DFA) sa China nga hunongon ang pag-okupar niini sa Panganiban ug Subi Reefs sa West Philippine Sea.
Matod sa DFA, kining mga lugara klarong nahisakop sa exclusive economic zone (EEZ) sa Pilipinas ug ubos sa sakop sa United Nations Convention on the Law of the Sea (UNCLOS), sumala sa gipamatud-an sa 2016 Arbitral Award.
Gipahayag sa DFA nga ang mga kalihokan sa China sa paghimo og mga isla nakalapas sa Philippine Maritime Zones Act ug sa UNCLOS.
Nagsunod ang pahayag sa DFA human sa usa ka insidente diin ang People’s Liberation Army (PLA) nagpabuto og mga flare ngadto sa usa ka eroplano sa Philippine Coast Guard (PCG) nga nagpahigayon og flight alang sa maritime domain awareness niadtong Lunes.
Ang mga pwersa sa China nga nag-okupar sa Panganiban ug Zamora Reefs nagpadala usab og mga radio challenge ngadto sa eroplano sa Pilipinas sa wala pa kini mitugpa sa Pag-asa Island.
