CEBU CITY – Gipa-imbestigaran sa Commission on Human Rights ang gipahigayon nga greyhound inspection sa Cebu Provincial Detention and Rehabilitation Center kung diin gipahubo ang mga inmates.
Nagpahigayon og surprise visit ang CHR Region 7 nga gipangulohan ni Chief Investigator Leo Villarino kung diin gi-usa usa niini og pangutana ang mga inmates may kalabot na sa pagpahubo nila ug gikwestyon usab sa ahensya ang necessity sa nahisgutang procedure.
Matud ni Villarino nga ilahang sayron kung nasayod ba ang mga inmates nganong sila gipahubo ug kung nganong gitugutan nga mukatap ang hulagway sa social media ug sa mga pamantalaan.//
Gipaubos usab sa imbestigasyon ang bag-ong CPDRC OIC nga si Bobby Legaspi human nga wala gilayon gipasulod ang CHR ug gipangitaan pa og letter request.
Kaganihang hapon usab nakigkita si Villarino kang PDEA 7 Regional Director Yogi Filemon Ruiz arun nga magpahigayon og dugang imbestigasyon.
Una nang gibutyag ni PDEA 7 Regional Director Ruiz nga standard procedure sa greyhound inspection ang pagpahubo sa mga inmates arun nga masiguro nga walay gitago-an nga kontrabando sa ilahang lawas.
