CEBU CITY-Gikalipay sa Commission on Human Rights (CHR)-7 ang dinalia’ng aksyon sa Talisay City Police Office diin gidakop sa mga sakop niini ang upat sa lima ka mga suspek sa pagpatay ug paglubong sa gituohang drug supplier sa Brgy. Lagtang.
Matud ni CHR-7 Director Atty. Arvin Udron nga kaya kaayo sa mga kapulisan nga makasikop sa upat nga anaa sa drug watchlist nga wala gipangpatay Hinungdan nga mipahinumdom si Udron ngadto sa mga kapulisan nga importanteng sundon ang nakalatid sa criminal procedure sa matag operasyon.
Gihimug-atan usab niini nga isiguro sa tanang panahon ang kinabuhi ug tawhanong katungod sa tawo sa matag operasyon, bisan pa man og usa kini ka kriminal.
Dugang pa usab niini nga walay bisan kinsa ang gustong mokutlo sa kinabuhi sa tawo diin pinasubay kini sa balaud ubos sa Revised Penal Code. (GN)
