CEBU CITY-Gikondenar sa CHR-7 ang pagpatay kang Clarin Misamis Occidental Mayor David Navarro kinsang gi-ambush patay sa dalan M. Velez sa baranggay Guadalupe niadtong hapon sa Biyernes, Oktubre 25.
Kini ang gibutyag ni Atty. Arvin Udron ang direktor sa CHR-7 subay na usab sa pagsaway sa national office sa nahitabo sa mayor ug ingon man nagpahigayon na usab og kaugalingong imbestigasyon ang CHR-Region 10.
Sigon ni Udron nga grabe ang maong panghitabo diin hayag pa’ng dako ug atubangan pa sa kapulisan gipatay si Navarro. Sigon niini, nga pinasubay sa balaud,dili pa gihapon makatarunganon ang nadangatan sa mayor bisan paman og kini nangulata ug nangbastos og mga masahista sa usa ka spa sa Sugbo.
Subay sa gipahigayon nga parallel investigaton sa CHR,nanawagan usab kini sa kapulisan nga maghimo og makuti nga pakisusi kalabot sa panghitabo ug masilbi ang hustisya nga pinasubay usab sa tawhanong katungod.
Samtang karong adlawa naabot na sa Misamis Occidental City ang patay nga lawas ni Mayor Navarro aron mapahimutang sa Clarin ug malubong. Gibyahi kini gabii sakay sa usa ka commerical vessel.
Padayon usab ang imbestigasyon sa PNP human makaumol og SITG Navarro.Sigon usab ni PCol. Gemma Vinluan, ang CCPO Dir. nga iya pang sutaon ang background sa mayor sanglit kung duna kini nadawat nga death threat, wala man kini makig-alayon sa kapulisan atol sa pag-anhi niini sa Sugbo aron unta ma-iscortan.
Ila usab adtoon ang hotel kung diin matud pa mitambong ang mayor og training para sutaon kung kinsa ang kauban niini.
