CENTRAL VISAYAS – Naghimo og kaugalingong imbestigahan ang Commission on Human Rights (CHR) sa giingong sexual advances ug physical assault nga gihimo sa usa ka public school teacher batok sa iyang duha ka lalaking estudyante sa Vicente Rama Memorial National High School sa dakbayan sa Sugbo.
Sa pahayag nga gipagawas, ang CHR miingon nga usa ka motu proprio nga imbestigasyon ang ilang himuon, kauban ang mga pamilya sa mga biktima ug mga miyembro sa kapulisan sa Central Visayas.
Naalarma ang CHR sa giingong insidente nga naglambigit sa magtutudlo ug mga tinun-an human sila giingong nagdumili sa pagsugot sa hangyo sa magtutudlo nga ipakita ang ilang mga abs.
Gikondenar usab sa Komisyon ang bisan unsang matang sa sexual, dili angay nga pamatasan, ilabi na kung gitumong ngadto sa mga bata, ug ingon man sulod sa mga institusyon diin kinahanglan ang kaluwasan ug pagsalig ang mopatigbabaw.
Gidugang usab sa buhatan sa CHR nga andam sila nga mohatag ug mosuporta sa mga biktima ug sa ilang mga pamilya.
Kung kahinumduman nga nag-viral online ang usa ka video sa usa ka magtutudlo nga nagpangagot nga naglagot atubangan sa iyang mga estudyante.
