CEBU-Gikanselar sa mga tagdumala sa Christmas Tree Lighting Event sa Mandaue Presidencia ug Fuente Osmeña gabii sa adlawng Dominggo, Disyembre 1, 2024.
Kini mahitungod sa grabeng pagbunok sa uwan nga nasinati sa dakbayan tungod sa Yellow Rainfall warning nga giluwat sa Philippine Atmospheric, Geophysical and Astronomical Services Administration (PAGASA) tungod sa Shear Line o ang punto diin ang bugnaw nga hangin gikan sa Amihan nagtagbo sa Easterlies o mainit nga hangin gikan sa dagat Pasipiko.
Gani pipila ka mga dagkong kadalanan sa dakbayan sa Sugbo ug Mandaue ang nakasinati og pagbaha tungod sa maong pag-uwan.
Mipahibalo ang mga organizers nga i-anunsyo nila sa sayo kung kanus-a ang hinggpit lighting event sa higante ug mabulokong Christmas Tree sa duha ka dakbayan.
