Nihangyo ang Criminal Investigation and Detection Group (CIDG) sa International Criminal Police Organization (Interpol) nga moluwat og red notice batok kang kanhi presidential spokesman Atty. Harry Roque.
Kini ang gikumpirma ni CIDG Director Major Gen. Nicholas Torre III.
Kahinomdoman nga una nang nagpadala ang CIDG og tracker teams aron pagdakop sa mga 50 pa ka kauban nga akusado ni Roque, apil na si Cassandra Li Ong kinsa giimbestigahan sa ilang giingong kalambigitan sa ilegal nga operasyon sa Philippine Offshore Gaming Operator (POGO).
Kahinumdoman usab nga ang Angeles City Regional Trial Court Branch 118 niisyu og warrant of arrest batok kang Roque niadtong Mayo 15 tungod sa giingong paglapas sa Republic Act 9208 o ang Anti-Trafficking in Persons Act of 2003.
Ang kaso batok kang Roque, Ong ug 49 ka uban pa, naggumikan sa reklamo nga gisang-at sa Department of Justice niadtong Abril tungod sa giingong kalambigitan nila sa operasyon sa scam hub Lucky South 99 sa Porac, Pampanga.(Bombo Irene Ardiente)
