US, FLORIDA-Gibasura sa huwes sa Florida ang kaso sa classified documents sa Justice Department batok kang kanhi US President Donald Trump.
Matod ni Judge Aileen Cannon, gitugotan niya ang motion nga gisang-at sa kampo ni Trump nga i-dismiss ang federal case.
Usa sa nasangpit nga rason mao nga ang Justice Department giingong nakalapas sa appointment ni Special Prosecutor Jack Smith.
ASoy niini nga klaro nga ang gihimo sa Justice Department usa ka paglapas sa Appointments Clause sa US Constitution.
Una nang nisang-at si Trump og not guilty plea sa daghang mga kaso nga may kalabutan sa iyang pagdumala sa mga classified documents lakip na ang iyang pagtago sa impormasyon sa nasudnong depensa.
Daghang mga classified file ang nakit-an sa Mar-a-Lago resort ni Trump sa Florida pagkahuman sa iyang termino kaniadtong 2021.
Ang 93 ka pahina nga desisyon ni Cannon nagkanayon nga ang korte kumbinsido nga ang pagtudlo kang Smith nakalapas sa balaod, usa ang tahas sa kongreso sa pagtudlo sa mga opisyal sa konstitusyon ug ang pagtudlo sa kongreso subay sa balaod.
