Gipasabot ni Department of Public Works and Highways (DPWH) Secretary Manuel Bonoan nga posibleng himuon ang pagpanglimpyo o cleansing sa organisasyon kon gikinahanglan aron matangtang ang mga kurakot nga opisyal ug kawani taliwala sa nagpadayong imbestigasyon sa giingong anomalosong mga flood control project.
Matod sa kalihim, ang mga opisyal sa departamento ug mga inhenyero sa distrito nga nalambigit sa mga inferior ug ghost flood control projects ang gipanglantawan alang sa posible nga mga kaso ug mga silot aron magsilbing leksyon sa tanan, nga dili nila tugutan nga mahitabo ang ingon niini.
Sa pagkakaron, matod sa kalihim, ang nagpadayong audit sa ahensya sa mga flood control projects nagbutyag nga ang giingong ghost projects anaa sa Bulacan, partikular na sa Engineering District 1 sa probinsiya.
Sa laing bahin, ang kalihim niinsistir nga magpaabot siya sa desisyon ni Presidente Ferdinand Marcos Jr. kon kinahanglan ba siyang mag-leave samtang nagpadayon ang imbestigasyon.
Kahinumduman nga daghang mga magbabalaod lakip na si Sen. Sherwin Gatchalian niingon nga si Sec. Bonoan mo-resign isip courtesy taliwa sa kontrobersiya nga naglibot sa ahensya nga iyang gipangulohan.
