CEBU – Nihangyo sa Cebu City Government ang Commission on Audit (COA) nga tarungon ang ilang desisyon sa pagpalit og kapin sa 39,000 ka sakong bugas gikan sa usa ka kwestyonableng supplier.
Nasayran sa state auditing body nga mikuha ang siyudad og gibana-bana nga P90.8 milyones nga pundo sa publiko aron ipalit og 38,478 ka sako nga bugas nga giapod-apod sa mga residente nga apektado sa COVID-19 pandemic.
Apan, ang COA, sa 2021 Annual Audit Report, nitumbok nga ang siyudad mipalit ug mga sako sa bugas, niadtong Agosto 5, 2021, gikan sa dili kuwalipikadong supplier.
Kung diin sa 123-panid nga report niini, nadiskubrehan sa state auditors ang mga timailhan nga ang gikuwestiyon nga supplier, ug ang Markabi Distributors Philippines Inc. (MDPI), naglihok lamang isip middleman.
Kini maoy nakaaghat kanila sa pagbutang og red flag sa transaksyon ug nirekomendar sa kagamhanan sa dakbayan sa pagmando sa Bids and Awards Committee (BAC) niini, aron mahatagan og katin-awan ang maong butang.
