Gikondenar sa Commission on Audit (COA) ang Social Security System (SSS) tungod sa pagpalit og 143,424 ka tissue paper nga nagkantidad og P13.195 milyon niadtong 2024.
Sumala sa COA, ang maong gidaghanon sa mga tissue paper roll nga napalit milapas na sa duha ka bulan nga suplay nga gikinahanglan sa SSS.
Tungod niini, ang maong mga tissue paper dili na makasulod sa ilang mga pasilidad sa pagtipig.
Nadiskobrehan usab sa COA nga ang maong kasabutan gibasi sa usa ka berbal nga kasabutan ug walay bisan unsang supporting document o pormal nga memorandum of understanding.
Napakyas usab ang SSS sa pagplano alang sa pagpalit og gatosan ka libo nga mga tissue paper.
Ang maong kantidad nga napalit unta makahatag sa SSS pensioners o funeral benefits alang sa 650 ka namatay nga mga miyembro.
Dugang pa, nabutyag usab ang mga kulang nga bayad sa mga benepisyo sa lubong sa SSS nga mokabat sa P3-M.
