CEBU CITY- Magpabiling balido ang Certificate of Candidacy nga gisang-at ni Suspended Cebu City Mayor Michael Rama alang sa iyang kandidatura pagka mayor sa dakbayan sa Sugbo alang sa Mayo 2025 National ug Local Midterm Elections.
Kini subay sa mandato sa Commission on Elections (COMELEC) isip ilang ministerial duty sa pagdawat sa kandidatura sa mga indibidwal hangtod nga wala pay pinal nga desisyon sa disqualification sa posisyon sa gobyerno nga gikan sa huricature.
Sa ekslusibong pakighinabi sa Bombo Newsteam kang Atty. Ferdinand Gujilde, ang City Election Officer COMELEC Cebu City South District diin narehistro si Rama nga gidawat gihapon sa ilang ahensiya ang COC sa opisyal tungod kay nahiuyon kini sa pirma sa saktong dokumento sa kandidatura sa guidelines sa komisyon.
Dugang ni Gujilde nga nagpaabot na lang sila og judicial notice sa desisyon sa Ombudsman bahin sa “perpetual disqualification” nga final ug executory aron masunod ang pirma sa balaod.
