CENTRAL VISAYAS-Gipahigayon ang labing una nga Central Visayas Coconut Summit, nga nagtumong sa pagbag-o sa mga produkto sa mga lokal nga mag-uuma ug negosyante aron himuon kini nga kalidad sa eksport, gipahigayon sa dakbayan sa Sugbo.
Giorganisar kini sa pakigtambayayong sa DTI 7 ug sa Philippine Coconut Authority.
Matod ni Department of Trade and Industry (DTI 7) Director Naneth Arbon, ang kinatibuk-ang tumong sa summit mao ang pagpasiugda sa kolaborasyon sa tanang partisipante sa coconut industry value chain sa rehiyon.
Atol sa summit, ang mga mag-uuma ug mga negosyante gidasig sa pagpalambo sa coconut byproducts ug dili lang motutok sa produksyon sa hilaw nga materyales aron mapalapad ang ilahang merkado partikular na sa eksport.
Tumong sa maong Summit nga dili lamang motabang sa industriya sa lubi sa rehiyon nga makabangon apan sa pagpadayon niini.
Kini subay usab sa pagpatuman sa Coconut Farmers and Industry Development Plan (CFIDP), usa ka roadmap nga nagtinguha sa pagpalig-on sa competitiveness, pagpalambo sa sustainability, ug paghatag gahum sa mga mag-uuma ug mga negosyante ug pagbawi sa kahimtang sa nasud isip top producer sa lubi sa tibuok kalibutan.
Ang summit nagtigom sa mga 200 ka mga participante sa industriya sa lubi gikan sa Cebu, Bohol, Negros Oriental, ug Siquijor, lakip ang community-based organization, farmers cooperatives, small farmers association, coconut-based enterprises, ug medium, small, ug micro entrepreneurs.
