Subling gipamatud-an ni Presidente Ferdinand R. Marcos Jr. ang pasalig sa Pilipinas sa pagpalambo sa lig-on nga relasyon uban sa Estados Unidos ug uban pang internasyonal nga mga kaalyado aron sa pagpalambo sa kalinaw ug kauswagan sa Indo-Pacific region.
Dungan kini sa paghandum sa ika-80 nga anibersaryo sa Liberation of Manila sa Manila American Cemetery and Memorial sa Taguig City, diin si Marcos miingon nga ang Pilipinas kanunay nga mobarug alang sa kung unsa ang husto.
Ingon man ang magpadayon sa pagtrabaho kauban ang ubang mga nasud sa pagtukod og mga tulay, pagmugna og mga solusyon, ug pagpreserbar sa global commons.
Nagpahayag siya og pasalamat alang sa malungtarong panag-uban tali sa Pilipinas ug US, nga nagpasiugda sa mga mithi sa kalinaw, demokrasya, ug hustisya.
Ingon man nga nalipay kini sa “malungtarong alyansa, panag-uban, ug panaghigalaay” sa Pilipinas sa US tungod kay managsama sila og tumong sa pagkab-ot sa kalinaw ug kauswagan sa Indo-Pacific.
