CEBU CITY-Mahuman na ang Colon night market nga matag gabii nga kalihokan sa downtown area sa dakbayan sa Sugbo.
Kini ang gikabutyag ni Maria Pino, presidente sa Cebu City United Vendors Association Inc.(CCUVA) nga ang Colon night market mahuman karong Enero 31 human sa dul-an sa tulo ka sunodsunod buwan.
Sa pagkakaron, adunay kapin sa 200 ka mga tindera ang nahibilin nga namaligya sa Colon night market.
Gipasabot ni Pino nga naandan na kini nga senaryo ilabi na human sa Sinulog nga dili na maninda tungod ma-alkanse kini.
Bisan pa man nga hapit na mahuman ang Colon night market, ang CCUVA nagplano nga mobaligya pag-usab sa gabii sa ulahing bahin sa Pebrero.
Matod ni Pino nga imbes matag-gabii, himuon na lang kini sa weekend o matag Biyernes, Sabado ug Domingo.
