CARCAR CITY, CEBU-Mibuhat og ocular ug fire safety inspection ang mga presinto para sa umaabot piniliay ang lokal nga buhatan sa Commission on Elections (COMELEC) Carcar City Division sa dakbayan sa Carcar sa habagatang Sugbo.
Gipangulohan kini ni Omar Sharif Mamalinta uban sa mga sakop Bureau of Fire Protection-7 Carcar ug Repair and Management Department sa kagamhanang dakbayan niini.
Sa pagsusi kay nasayran nga lima ka mga presinto ang ilang na-inspect sa 21 ka gamiton alang sa 2025 Local and National Elections aron ma-verify ang kaandam sa mga tunghaan sa umaabot Mayo 12, 2025.
Nagkanayon nga sa Enero 2025, tiwason sa mga awtoridad ang ilang pagsusi sa mga nahabiling presinto aron sa dugang nga pagsusi.
Gibutyag sab nga atol sa pagbisita kay gamy ra ang angay dugangan nga mga ekipo sama sa mga additional lightbulbs aron paghatag og kahayag sa mga dapit.
Kini kay ang regular voting hours para sa pinilay kay maggikan sa alas 7 sa kabuntagon og mulantod sa alas 7 sab sa gabii nga aduna pa gani special voting hours para sa mga senior citizens, persons-with-disabilities, mga mabdos ug lactating women ug sa ilang mga assistors nga magsugod sa alas 5 sa buntag.
