PROVINCE OF CEBU- Nipahigayon og satelite registration ang buhatan sa Commission on Election Carmen, sa katapusang adlaw sa pagparehistro, gahapong adlawa Mayo 18, Lunes alang sa Barangay ug Sangguniang Kabataan Elections sa umaabot Nobyembre 02, 2026.
Matud ni Omar Sharif Mamalinta, ang Election Officer III sa Comelec Carmen nga taliwala sa katapusang adlaw sa Comelec registration, dili ra kaayu daghan ang nagparehistro, sukwahi sa mga key cities sama sa Dakbayan sa Sugbo, Mandaue ug Dakbayan sa Lapu-Lapu.
Moabut sa 3,407,780 ang evaluation sa mga registered voters sa nakalabayng 2025 National and Local Elections samtang niadtong August 1-10, 2025 registration moabut sa 83, 757 alang sa SK samtang sa regular registration kapin sa 51, 238.
Lakip usab niini ang gipahigayong registration niadtong October 2025 sa wala pa gisuspenso ang BSKE nga miabot sa 55, 226 sa SK samtang 145, 079 sa regular registrants sa August 1- May 2026, nga kung sumatutalon moabut sa 335, 700 registered voters.
Gihimug-atan ni Mamalinta nga human gahapong adlawa, Lunes, wala nay lain pang adlaw nga ipahigayon ang Comelec alang sa voters registration sa umaabot nga eleksyon base sa nakalatid sa Comelec guidelines.
Gipahibalo usab niini sa publiko ang mga importanteng mga adlaw nga angayang hinumdoman, sama sa; September 28-October 5, 2026 ang adlaw sa Filing of Certeficate of Candidacy, samtang October 22-31, 2026 ang pagpahigayon sa campaign period og October 3-November 9, 2026 ang adlaw sa Election Period.
Samtang ang adlaw usab sa filing sa SOCE mao ang adlaw sa December 2, 2026 ug ang adlaw sa Election Day sa November 2, 2026.
Mensahi usab ni Mamalinta sa publiko nga moapas pa sa pagparehistro alang sa pagbotar sa umaabot eleksyon, nga dili maglangay aron makabotar pa sa umaabot Nobyembre.
