MANDAUE CITY,CEBU- Gibasura sa nasudnong buhatan sa Commission on Elections (COMELEC) ang Motion for Reconsideration (MR) ni Dismissed Mandaue City Mayor Jonas Cortes sa kanselasyon sa Certificates of Candidacy (COC) niini para sa umaabot nga piniliay.
Kini gi-anunsyo sa COMELEC sa latest updates niini sa Special Proceedings Actions (SPA) petitions nga may kalabotan sa May 12, 2025, National and Local Elections (NLE) ug sa Bangsamoro Autonomous Region in Muslim Mindanao (BARMM) Parliamentary Elections nga gipahibalo kagahapong adlawa sa Biyernes, Disyembre 27, 2024.
Ang diskwalipikasyon ni Cortes kay nunot sa desisyon sa Comelec Second Division tungod sa pasangil niini nga Material Misrepresentation sa iyang COC sa mga kasong giatubang sa buhatan sa Ombudsman nga maoy nakapatangtang niya sa gahum.
Sa ilang hukom, gi-deny sa Comelec En Banc ang MR ni Cortes ug gipamatud-an ang resolusyon sa Comelec Second Division.
Kahinumduman nga si Cortes niduso sa iyang Motion for Reconsideration niadtong Disyembre 23, nga nagtinguha nga mabalibaran ang naunang desisyon sa Second Division.
