MANDAUE CITY – Gikanselar sa Commission on Elections (Comelec) Second Division ang Certificate of Candidacy (COC) ni kanhi Mandaue City Mayor Jonas Cortes tungod sa paghimo og material misrepresentation sa dokumento niini.
Giproklamar ang maong desisyon niadtong Miyerkules, Disyembre 18, 2024.
Naggumikan ang desisyon sa petisyon nga gisang-at ni Atty. Ervin Estandarte, kinsa nipasangil nga si Cortes nakahimog seryosong sayop nga representasyon pinaagi sa pagdeklarar sa iyang COC nga angayan siyang modagan sa katungdanan.
Gimarkahan usab ni Cortes ang “N/A” (not applicable) isip tubag sa pangutana nga nanginahanglan sa mga kandidato nga ibutyag ang mga detalye bahin sa bisan unsang mga kaso nga gisang-at batok kanila, lakip ang mga numero sa docket, titulo, ug kahimtang.
Samtang sa habig usab ni Atty. Jamal James Calipayan, ang Mandaue City Administrator ug usa sa mga legal counsel ni Cortes diin sa nahasubo sila sa desisyon sa Comelec Second Division sa alegasyon sa material ug false representation og ingon man nga wala na sila pud nakugang tungod sa nagkaduol na nga eleksiyon.
Giinsister pa niini nga dili pa final ang desisyon sa COMELEC sa pagkanselar sa COC ni Cortes tungod kay moduso pa sila og motion to hear sa ilang kampo sa nasangpit nga alegasyon.
