Gianunsyo sa Commission on Election (COMELEC) nga ang rehistrasyon sa mga botante sa gawas sa nasud alang sa 2028 presidential elections ablihan gikan sa Disyembre 1, 2025 hangtod sa Setyembre 30, 2027.
Matod sa COMELEC, ang tanang Filipino citizens nga anaa sa gawas sa nasod sulod sa 30 ka adlaw nga voting period, 18-anyos pataas ug wala ma-disqualify sa balaod mahimong magparehistro isip overseas voters.
Abli usab ang rehistrasyon alang sa ubang mga aplikasyon sama sa pagbalhin sa mga record sa Rehistrasyon, pag-reaktibo, pag-ilis sa pangalan, pagbag-o sa address, paglakip o pagbalik, ingon man ang sertipikasyon.
Mahimong magparehistro ang mga aplikante sa bisan asang embahada, konsulado, Manila Economic and Cultural Office sa gawas sa nasud ingon man sa gitudlo nga registration centers.
Samtang sa gustong mobalhin gikan sa Philippine Post ngadto sa lokal mahimo kini sa Office of the Election Officer.
