MINDANAO-Nagmalampuson ang unang demonstrasyon sa Automated Counting Machine (ACM) gikan sa hilit nga probinsiya.
Gihimo kini sa Commission on Elections (Comelec) aron suwayan ang mga bag-ong makina alang sa 2025 midterm elections.
Diin ang mga personahe sa poll body nagpadala og election returns (ERs) ug mga logs gikan sa hilit nga mga isla sa Simunul ug Bongao, Tawi-Tawi province, ngadto sa Consolidated Canvassing System (CCS) ug Servers.
Nasayran nga gipangulohan ni Comelec Chairman George Erwin Garcia ang kalihokan ug mga opisyal sa komisyon alang sa Voter Education Seminar nga adunay demo sa ACM sa mga naasoy nga dapit.
Kabahin kini sa pagpangandam alang sa 2025 National and Local Elections (NLE) ug Bangsamoro Parliamentary Elections (BPE).
