Gisuportahan sa Commission on Elections ang hangyo sa kampo ni dismissed Bamban, Tarlac Mayor Alice Guo nga hatagan sila og igong panahon sa pagpasaka og counter-affidavit isip tubag sa subpoena nga gisang-at batok sa kanhi mayor.
Matod ni Commission on Elections Chairman George Erwin Garcia, usa kini ka kasong kriminal busa dili sila gustong estrikto sa mga respondents.
Giklaro usab niini nga kung mangayo na usab og extension ang kampo ni Guo, dili na kini tugotan pa sa komisyon.
Kon kahinumdoman, ang legal counsel ni Guo nga si Atty. Stephen David niduso og request sa milabay nga semana.
Dinhi nangayo ang kampo ni Guo og napulo ka adlaw nga extension aron makapasaka sila og counter-affidavit.
Una nang gisang-at sa Comelec ang subpoena batok kang Alice Guo niadtong Agosto 13 bahin sa material misrepresentation nga gipasaka batok kaniya.
