Hingpit na nga gisugdan ang operasyon sa Command Center, ang bag-ong proyekto sa Cebu Provincial Police Office ( CPPO), diin usa kini sa makatabang sa dinaliang mga emerhensya o mga pagresponde sa mga panghitabo sa probinsya sa Sugbo.
Gani, ang Command Center makita gayud ang tagsa-tagsa ka mga lungsod nga gisakpan sa lalawigan sa Sugbo adunay monitoring.
Ingon man nipahigayon usab og sample nga pagresponde sa maong Command Center.
Matod pa nga ang katuyuan niini nga lakang nagtumong nga dili ma-delay ang pagresponde sa bisan unsang matang sa emerhensya o panghitabo.
Busa, gi-awhag ni Pcol. Christopher Bermudez, ang Provincial Director sa CPPO nag kon ugaling adunay namatikdan nga angayan nga respondehan, manawag dayon sa center o sa 911 emergency hotline.
