Composer sa mga kanta ni Pacquiao, gisaway ang mga kritiko sa Filipino ring icon

Gisaway sa composer sa mga kanta sa 8-division world boxing champion nga si Manny Pacquiao ang mga Pinoy nga daw dili gustong mosuporta sa kaubang boksidor.

Matod ni Lito Camo, subo nga adunay mga kaubang Pilipino nga dili makapakita bisan moral nga suporta ngadto kang Pacman.

Nipadayag usab kini og pagkasagmuyo kalabot sa ubang Pilipino nga mas gipili pa nga mosuporta sa kaaway ni Manny.

Ingon man nga adunay mga pagsaway usab nga nadawat ang pambansang kamao.

Nagtuo si Lito nga sa kataposan, dala gihapon ni Pacman ang dungog sa mga Pinoy sa matag kadaugan niya sa ring.