LILOAN,CEBU-Gisikop sa Tracker Team sa Liloan Municipal Police Station ang usa ka 29-anyos nga construction worker, sa kasong pagpatay sa Brgy. Jubay, Liloan, amihanang Sugbo niadtong Hulyo 17, 2024.
Giila ang nadakpan ga si Bryan John Dublin Dacullo, 29-anyos residente sa Brgy. Biasong, dakbayan sa Talisay.
Kini subay sa Warrant of Arrest alang sa krimen nga Pagpatay batok sa akusado ubos sa criminal case number R-PAL-21-2615-CR pinetsahan sa Agosto 5, 2021 nga gipirmahan ug giisyu ni Hon. Dexter Lazarte Aguilar, Presiding Judge sa Regional Trial Court, Eight Judicial Region, Branch 17, Palompon, Leyte nga walay girekomendar nga piyansa alang sa maong kaso.
Gitino ni Police Major Eric Gingoyon ang hepe sa Liloan Police Sttaion, nga ilahang nasayran sa imbestigasyon nga ang subject nalambigit usab sa sunod-sunod nga insidente sa tulis sa lungsod sa Liloan.
Kasamtangang gitanggong karon ang akusado sa kustodiya sa Liloan Police Station samtang nagpaabot sa pag-turnover ngadto sa nag-isyu nga korte.(LILOAN MPS)
