Gibakwi sa House quad-committee (quad-comm) ang contempt ug detention order nga gisang-at batok kang kanhi presidential spokesperson Harry Roque, iyang asawa nga si Mylah ug kanhi presidential adviser Michael Yang.
Kung diin Lunes sa gabii, Hunyo 9, opisyal nga gitapos sa espesyal nga hiniusang panel ang 11 ka bulan nga imbestigasyon sa pagtabang sa balaod.
Lakip usab ang pagtangtang sa contempt ug detention orders batok nilang Police Colonel Hector Grijaldo ug Senior Police Officer 4 (SPO4) Arthur Narsolis.
Kung diin, si Abang Lingkod Party-list Rep. Joseph Stephen Paduano, usa sa upat ka co-chairmen sa quad-comm, unang nanawagan nga tangtangon ang contempt ug detention order batok kang Roque ug uban pa.
Kini giuyonan ug giaprobahan ni quad-comm overall chairman, Surigao del Norte 2nd district Rep. Robert Ace Barbers.
Ang pagtukod sa quad-comm nagsugod sa pagdugtong sa Philippine Offshore Gaming Operators (POGO), extrajudicial killings (EJKs), money-laundering, illegal nga drugas, ug sa dugoong gubat batok sa drugas ni kanhi Presidente Rodrigo Duterte.
Kaduha na gi-contempt si Roque sa quad-comm, ang una kay namakak bahin kang Cassandra Ong, usa ka representante sa POGO, ug sa iyang kapakyas paghatag og mga dokumento may kalabotan sa operasyon sa POGO sa Pampanga.
Si Roque mibiya sa nasud sa miaging tuig ug nangita og asylum sa Netherlands.
