CEBU CITY-Dili sugtan ni Cebu City Mayor Michael Rama nga mosalmot sa Sinulog Festival ang Omega de Salonera contingent.
Kini, kung mapamatud-an nga tinuod ang mga pasangil nga trafficking, kidnapping, ug pagpakasal sa mga bata sa Socorro Bayanihan Services, Inc. (SBSI) tungod nga kini ang nag-organize sa naasoy nga contingent.
Hinuon, gitataw ni Mayor Rama nga pasagdan lang sa Siyudad ang Senado nga mopadayon sa ilahang imbestigasyon ug maghuwat sa ilang findings ug rekomendasyon.
Matud ni Rama kung mogawas ang desisyon nga dili pabor sa grupo, diin iyahang gitan-aw nga nagpadulong sa maong direksyon, ideklarar niini nga dili na sila takos nga mahimong kabahin sa Sinulog.
Dugang pa, tungod nga ang Sinulog pagsimba sa Sto. Ni o, ug dili usab kini mamahimong molabaw sa kabuotan sa Santo Papa.
Ang Omega de Salonera contingent sa Surigao del Norte maoy kampiyon sa free interpretation category sa Sinulog 2023 ritual showdown. Si Quilario maoy nangulo sa contingent, nga gipundohan ug gipaluyohan sa SBSI.
Sila si Quilario ug SBSI maoy sentro sa atensyon karon tungod sa pasangil sa kulto ug pag-abuso sa mga bata sa kanhi mga sakop niini nga nibiya sa grupo.
