CEBU CITY-Mukabat na sa 68 ang kaso sa COVID-19 sa Central Visayas human nga kalit nga midaghan ang kaso sa Cebu City.
Sa gipagawas nga statement sa Department of Health Central Visayas Center for Health Development (DOH CVCHD) pinaagi sa Vicente Sotto Memorial Medical Center Sub-National Laboratory (VSMMC SNL) nakarelease kini og 216 ka mga test results diin 28 niini ang nagpositibo lakip na ang 5 ka mga repeat test sa kanhi mga nataptan na sa covid-19.Hinungdan nga mikabat na kini sa 68 ug wala hinooy nga patay.
22 sa mga bagong kaso ang residente sa Cebu City kinsang mga contacts sa mga kanhi nagpositibo kung diin sa kinatibuk-an mukabat na ang ihap as 53. Nagikan kini sila sa Sitio Zapatera, Barrio kansang gipaubos sa lockdown human dunay lumulopyo nga nagpositibo.
Gitino usab sa Cebu City health office nga ang pagdaghan sa kaso ang nunot kini sa mass testing nga gipahigayon usab sa maong lugar.
Samtang ang ika 23 ka kaso ang gikan sa Mandau City nga karon duna nay 3 kabuok. Ang Lapu-lapu city nagpabiling 4 ang kaso.
Sa lalawigan,wala’y bago nga kaso sa Bohol,Cebu Province, ug NegOr samtang nagpabiling covid free ang probinsya sa Siquijor.
